„Þetta snýst allt um að komast áfram og það skiptir ekki máli hvernig við gerum það,“ sagði Aron Einar Gunnarsson, fyrirliði íslenska karlalandsliðsins í knattspyrnu, á blaðamannafundi fyrir leik Íslands og Austurríkis.
Aron talar einnig um spennuna sem myndi fylgja því að mæta Englandi í útsláttarkeppninni. Liðið sem hafnar í öðru sæti í riðli Íslands, F-riðlinum, mætir Englandi í 16-liða úrslitum. Íslandi nægir stig til að komast áfram en Austurríki verður að vinna til að komast áfram.
Einnig er rætt við fyrirliða Austurríkis, Christian Fuchs, í meðfylgjandi myndskeiði.