Kólumbíska söngkonan Shakira fylgist með Evrópumótinu í knattspyrnu sem fer fram í Frakklandi um þessar mundir en hún hefur þegar ákveðið að eigna sér eitt flottasta mark mótsins.
Shakira er búsett í Barcelona á Spáni en hún er með spænska varnarmanninum Gerard Piqué og eiga þau tvö börn saman.
Hún hefur verið að fylgjast grannt með Evrópumótinu í Frakklandi en Piqué og félagar eru komnir í 16-liða úrslit og mæta Ítölum á morgun.
Hálfgerður nafni hennar leikur þó með Sviss en það er Xherdan Shaqiri. Hann skoraði eitt af mörkum mótsins í gær er liðið datt út fyrir Póllandi í 16-liða úrslitum en Shakira grínaðist með það á Twitter að þetta hafi verið í fyrsta sinn í sögunni sem par skorar á EM.
Piqué skoraði í 1:0 sigri á Tékklandi á dögunum og þá vill Shakira meina að hún hafi skorað gegn Póllandi í gær, í gríni auðvitað.
The first time in history that a couple both score goals in the Eurocup - Piqué and Shaquiri!!!
— Shakira (@shakira) June 25, 2016
@shakira pic.twitter.com/6T3PZ38Bzs
— PapaBeats™ (@PapaBeats) June 25, 2016