Þeim Gianluca Vialli, Thierry Henry og Vincent Kompany þótti ekki leiðinlegt að stríða Gary Lineker, þáttastjórnanda Match of the Day, á BBC í þættinum í gær.
„Ítalía er komin áfram í 8-liða úrslitin, það hafði enginn trú á þeim,“ sagði Lineker áður en þeir félagar fóru að trufla hann en England féll eins og frægt er orðið úr leik á Evrópumótinu í knattspyrnu í gærkvöldi eftir 2:1 tap gegn Íslandi.
„Við erum líka komnir áfram!“ sagði Thierry Henry eftir að Vialli var byrjaður að gantast, „Belgía! Í næstu umferð!“ sagði Vincent Kompany áður en þeir litu allir á aumingja Lineker og fóru að skellihlæja.
Þetta skemmtilega innslag má sjá hér að neðan.