Átta sinnum ódýrara lið vann Englendinga
Setja bókamerki
Tengdar fréttir
EM 2016 í fótbolta
Góður árangur íslenska karlalandsliðsins í knattspyrnu á EM í Frakklandi hefur án efa hækkað virði leikmannanna sjálfra, og gengishækkað íslenska knattspyrnu, eins og Heimir Hallgrímsson landsliðsþjálfari talaði um í aðdraganda mótsins að gæti gerst.
Gylfi Þór Sigurðsson er sem fyrr verðmætasti leikmaður íslenska liðsins, alla vega ef horft er til beins markaðsvirðis, en samkvæmt vefsíðunni Transfermarkt.de sem sérhæfir sig í að halda utan um verðmæti leikmanna, þá kostaði Gylfi 13 milljónir evra fyrir mótið, jafnvirði um 1,8 milljarða króna. Ragnar Sigurðsson var talinn næstdýrasti leikmaður liðsins, metinn á 6 milljónir evra eða 828 milljónir króna.
Alls var byrjunarliðið sem lagði England að velli í fyrrakvöld metið á 4,4 milljarða íslenskra króna fyrir EM. Til samanburðar þá var byrjunarlið Englands metið á 36,6 milljarða króna, rúmlega átta sinnum hærri upphæð Hér má sjá samanburð á liðunum eftir leikstöðum og virði þeirra samkvæmt Transfermarkt í milljónum króna:
Markverðir:
Hannes Þór Halldórsson 55 milljónir króna
Joe Hart 2.346
Hægri bakverðir:
Birkir Már Sævarsson 69
Kyle Walker 2.070
Vinstri bakverðir:
Ari Freyr Skúlason 97
Danny Rose 1.932
Miðverðir:
Ragnar Sigurðsson 828
Kári Árnason 69
Chris Smalling 2.760
Gary Cahill 2.208
Miðjumenn:
Aron Einar Gunnarsson 345
Gylfi Þór Sigurðsson 1.794
Eric Dier 2.484
Wayne Rooney 4.830
Dele Alli 2.760
Kantmenn:
Birkir Bjarnason 345
Jóhann B. Guðmundsson 276
Raheem Sterling 6.210
Sóknarmenn:
Jón Daði Böðvarsson 110
Kolbeinn Sigþórsson 380
Harry Kane 5.520
Daniel Sturridge 3.450
Ísland var með þriðja ódýrasta leikmannahópinn í 16 liða úrslitunum en er með þann ódýrasta nú þegar Norður-Írland og Ungverjaland eru úr leik. Alls eru leikmennirnir 23 í íslenska hópnum metnir á tæplega 6,2 milljarða króna, eða að meðaltali 268 milljónir. sindris@mbl.is
