Franski ólympíumeistarinn í sundi, Yannick Agnel, hefur lofað því að hann muni synda í kringum Ísland ef liðið verður Evrópumeistari í knattspyrnu.
Frakkland og Ísland mætast í 8-liða úrslitum mótsins á sunnudag en Ísland sigraði England sem kunnugt er í 16-liða úrslitum á mánudag. „Ef Ísland vinnur EM syndi ég hringinn í kringum landið,“ skrifaði Agnel á Twitter eftir sigur Íslands á mánudag.
Annar landsliðsþjálfara Íslands, Heimir Hallgrímsson, mælir ekki með því að fólk syndi í kringum landið. „Ég bý á eyju sunnan við landið og það tekur þrjá tíma að sigla upp á meginlandið. Ég ráðlegg engum að synda við Ísland,“ sagði Heimir eftir spurningu frá blaðamanni Aftonbladet.
Si les islandais gagnent l'Euro, je fais le tour de l'Islande à la nage. #ANGISL
— Yannick Agnel (@YannickAgnel) June 27, 2016
@YannickAgnel 28 jours à 3km/h, désolé si j'ai pris un peu large pic.twitter.com/RuOKUSMvl0
— ninotna_so (@epitomz) June 28, 2016