Frakkar verða með tvo leikmenn í banni þegar þeir mæta Íslendingum í 8-liða úrslitum Evrópumótsins í knattspyrnu á Stade de France, þjóðarleikvangi Frakka, í úthverfi Parísar á sunnudagskvöldið.
Miðjumaðurinn N'Golo Kante og varnarmaðurinn Adil Rami taka báðir út leikbann.
Líklegt byrjunarlið Frakka að mati sérfræðinga UEFA:
Lloris; Sagna, Koscielny, Umtiti, Evra; Pogba, Cabaye, Matuidi; Griezmann, Giroud, Payet.
Enginn af íslensku leikmönnunum er í banni en níu eru á hættusvæði. Fái þeir spjald í leiknum spila þeir ekki í undanúrslitunum ef Ísland kemst í þau. Leikmennirnir eru:
Hannes Þór Halldórsson, Birkir Már Sævarsson, Ari Freyr Skúlason, Kári Árnason, Jóhann Berg Guðmundsson, Aron Einar Gunnarsson, Gylfi Þór Sigurðsson, Birkir Bjarnason og Kolbeinn Sigþórsson.