Þjóðverjar, sem ríkjandi heimsmeistarar, eru af mörgum taldir sigurstranglegastir á Evrópumótinu í knattspyrnu en þeir þurfa að komast yfir ansi erfiða hindrun ætli þeir að fara alla leið.
Þjóðverjar mæta Ítölum í átta liða úrslitunum á morgun og ekki er hægt að segja að tölfræðin sé með Þjóðverjum því þeim hefur aldrei tekist að vinna Ítali í úrslitakeppni á EM eða HM.
Liðin hafa mæst átta sinnum í úrslitakeppni þar sem Ítalir hafa unnið fjórum sinnum og fjórum sinnum hefur leikjunum lyktað með jafntefli.