Dagur grillaði Búlluborgara fyrir leikmenn

Dagur Sigurðsson og hans menn hafa fagnað Evrópumeistaratitlinum vel.
Dagur Sigurðsson og hans menn hafa fagnað Evrópumeistaratitlinum vel. AFP

Dagur Sigurðsson og lærisveinar hans í þýska landsliðinu í handknattleik voru gestir í Das Aktuelle Sportstudio, vikulegum íþróttaþætti í þýska ríkissjónvarpinu, í gærkvöld.

Leikmennirnir mættu í sjónvarpssal og var vel fagnað af áhorfendum enda nýbúnir að landa Evrópumeistaratitlinum. Dagur mætti svo skömmu síðar í salinn og hafði með sér fat fullt af hamborgurum, sem hann aðstoðaði við að matreiða hjá Hamborgarabúllu Tómasar í Berlín. Leikmenn þýska liðsins munu vera miklir aðdáendur Búllunnar, og Dagur hafði lofað þeim hamborgurum af staðnum tækist þeim að vinna Dani og tryggja sér sæti í undanúrslitum EM. Þýska liðið gerði gott betur, sem kunnugt er.

Myndskeið úr þættinum má sjá hér að neðan.

mbl.is
Fleira áhugavert
Fleira áhugavert