Terry rekinn af velli á Goodison Park

John Terry, fyrirliði Chelsea, var rekinn af velli á 35. mínútu í viðureign Lundúnaliðsins við Everton í ensku úrvalsdeildinni í knattspyrnu sem nú stendur yfir á Goodison Park, heimavelli Everton í Liverpool.

Terry braut á Leon Osman með háskalegri tæklingu og Phil Dowd dómari sýndi honum umsvifalaust rauða spjaldið. Terry fer þá væntanlega í þriggja leikja bann og spilar ekki meira með Chelsea fyrr en eftir áramótin.

• Blogga um frétt