Ronaldo: Erum með betra lið

Cristiano Ronaldo er bjartsýnn á að Manchester United takist að slá Porto út úr Meistaradeildinni þegar liðin eigast við í síðari leiknum í átta liða úrslitum Meistaradeildarinnar á Estadio do Dragao vellinum í Porto annað kvöld. Fyrri leiknum á Old Trafford lyktaði með 2:2 jafntefli.

Porto hefur ekki tapað heimaleik fyrir ensku liði í Evrópukeppninni í 12 leikjum en Ronaldo hefur trú á að 13. leikurinn fari á þann veg að United vinni og komist í undanúrslitin.

,,Við munum vinna af þeirri einföldu ástæðu að við erum með betra lið. Ég er svo sannarlega klár í slaginn,“ sagði Ronaldo við Fox sjónvarpsstöðina.

,,Mín skoðun er sú að við erum með betra lið en að sjálfsögðum berum við virðingu fyrir Porto. Ég vil enda tímabilið með því að vinna ensku úrvalsdeildina, ensku bikarkeppnina og Meistaradeildina og samherjar mínir eru á sama máli.“

• 1 blogg um fréttina

Bloggað um fréttina

• Þórarinn M Friðgeirsson: Ekki lýgur Rónvaldur Rassmuss frekar en venjulega !