Hazard búinn að ákveða sig

Belgíski knattspyrnumaðurinn Eden Hazard, leikmaður Lille í Frakklandi, er loks búinn að ákveða hvar hann spilar á næsta tímabili.

Það þýðir þó ekki að hann sé búinn að opinbera næsta áfangastað sinn en Hazard skrifaði á Twitter í morgun: „Góðan dag, strákar. Ég er búinn að ákveða mig. Sé ykkur seinna. Takk.“

Þrjú lið koma til greina: Chelsea, Manchester City og Manchester United, en allflestar fréttir dagsins í enskum og frönskum miðlum segja að Chelsea sé liðið sem Hazard ætli að spila með.

Hazard skoraði 20 mörk fyrir Lille á tíambilinu og gaf einnig flestar stoðsendingar allra í deildinni.

Sagt er að hann fari fram á 200.000 pund í vikulaun hjá því liði sem hann spilar með næsta vetur.

• 1 blogg um fréttina

Bloggað um fréttina

• Gísli Foster Hjartarson: Bara svona á meðan menn bíða....