Clark ráðinn stjóri WBA

Steve Clark hefur verið ráðinn knattspyrnustjóri enska úrvalsdeildarliðsins WBA en félagið greinir frá þessu á vef sínum í dag. Samningur Clarks er til tveggja ára.

„Það er mikill heiður að fá að taka við þessu starfi og ég er mjög glaður yfir því að fá þetta tækifæri,“ segir Clark á vef félagsins.

Clark, sem er 48 ára gamall Skoti, hefur til þessa verið í hlutverki aðstoðarstjóra en hann hefur starfað sem slíkur hjá Newcastle, West Ham, Chelsea og Liverpool og hefur unnið með mönnum eins og Sir Bobby Robson, José Mourinho og Kenny Dalglish.

• Blogga um frétt