Newcastle stendur ágætlega að vígi í einvíginu við gríska liðið Atromitos um sæti í riðlakeppni Evrópudeildar UEFA í knattspyrnu eftir jafntefli liðanna, 1:1, í fyrri leiknum í Aþenu í kvöld.
Grikkirnir komust yfir snemma leiks þegar Denis Epstein skoraði en Ryan Taylor jafnaði fyrir hlé, beint úr aukaspyrnu.
Alan Pardew, knattspyrnustjóri Newcastle, hvíldi marga lykilmenn sína og gerði níu breytingar á liðinu frá sigurleiknum gegn Tottenham síðasta sunnudag. Newcastle spilar strax aftur á laugardaginn þegar liðið mætir Chelsea.
Demba Ba, Fabricio Coloccini og Cheick Tiote fóru ekki með til Aþenu og Hatem Ben Arfa var í leikbanni.
Liðin mætast aftur á St. James' Park í Newcastle eftir viku.