Suárez gæti orðið 100 milljóna punda virði

Brendan Rodgers knattspyrnustjóri Liverpool telur að frábær frammistaða Úrúgvæjans Luis Suárez geti þýtt að fljótlega verði hann metinn á 100 milljónir punda.

Suárez hefur farið á kostum með Liverpool á leiktíðinni en hann er markahæstur í deildinni með 28 mörk og hefur svo sannarlega leikið margan varnarmanninn grátt á tímabilinu.

„Verðgildi hans er sífellt að hækka. Ef þú horfir á þá bestu í heimi eins og Ronaldo og Messi, sem hafa verið að gera frábæra hluti síðustu fimm til sex árin, þá er Suárez á góðri leið með að komast í þennan hóp. Hann hefur verið frábær, hefur þroskast mikið sem leikmaður og er bara í heimsklassa,“ segir Rodgers.

Suárez verður í eldlínunni á Anfield í dag en klukkan 15 tekur liðið á móti Tottenham og nái Liverpool í stig úr þeim leik tyllir það sér á topp deildarinnar.

• 1 blogg um fréttina

Bloggað um fréttina

• Haraldur Haraldsson: Suárez gæti orðið 100 milljóna punda virði:Peningar tröllríða knattspyrnini????