Shaw verður um kyrrt hjá Southampton

Luke Shaw.
Luke Shaw. AFP

Stjórnarformaður enska úrvalsdeildarliðsins Southampton hefur komið þeim skilaboðum áleiðis til Manchester United og Chelsea að þýði lítið fyrir þau að bjóða í vinstri bakvörðinn Luke Shaw.

Mauricio Pochettino, stjóri Southampton, tekur í sama streng en ætlar að halda Shaw í sínum herbúðum. United og Chelsea hafa bæði sýnt yfir miklum áhuga að krækja í Shaw en þessi 18 strákur hefur svo sannarlega slegið í gegn með Southampton á leiktíðinni.

United og Chelsea eru bæði á höttunum eftir vinstri bakverði í lið sín fyrir næsta tímabil en hvort skilaboð stjórnarformanns Southampton verði til þess að þau snúi sér að öðrum leikmanni heldur en Shaw skal ósagt látið.

mbl.is
Fleira áhugavert
Fleira áhugavert