Aston Villa og Newcastle gerðu markalaust jafntefli í fyrsta leik helgarinnar í ensku úrvalsdeildinni í knattspyrnu á Villa Park í hádeginu.
Villa komst því alla vega tímabundið á topp deildarinnar en liðið er með 4 stig eftir fyrstu tvær umferðirnar og hefur enn ekki fengið á sig mark. Þetta var fyrsta stig Newcastle sem tapaði fyrir Manchester City í fyrstu umferð.
Mike Williamson, leikmaður Newcastle, fékk tvö gul spjöld og þar með rautt undir lokin fyrir brot á Darren Bent og Fabian Delph.
Enski boltinn heldur áfram í dag og er hægt að fylgjast með öllu sem gerist í ENSKA BOLTANUM Í BEINNI hér á mbl.is.