Wayne Rooney hefur verið skipaður nýr fyrirliði enska landsliðsins í knattspyrnu en landsliðsþjálfarinn Roy Hodgson greindi frá þessu í dag.
Rooney, sem tók við fyrirliðastöðunni hjá Manchester United fyrir tímabilið, tekur við fyrirliðabandinu hjá Englendingum af Steven Gerrard sem fyrr í sumar ákvað að láta staðar numið með enska landsliðinu.
Rooney hefur leikið 95 leiki með enska landsliðinu og hefur í þeim skorað 40 mörk og átt 17 stoðsendingar.