Lánssamningur Lampards framlengdur

Lánssamningur Frank Lampards frá New York FC til Manchester City hefur verið framlengdur að því er Sky Sports greinir frá.

Lampard mun vera í herbúðum City fram til byrjun febrúar sem þýðir að hann getur spilað með Manchester City þegar það mætir Chelsea á Stamford Bridge þann 31. janúar.

Lampard skoraði jöfnunarmark Manchester City í leiknum gegn Chelsea á sunnudaginn en leikmaðurinn yfirgaf herbúðir Chelsea í sumar eftir að hafa spilað með Lundúnaliðinu frá árinu 2001.

• Blogga um frétt