Tiote vill fara frá Newcastle

Cheick Tiote miðjumaðurinn öflugi í liði Newcastle vill yfirgefa herbúðir félagsins en Newcastle er í botnsæti ensku úrvalsdeildarinnar og hefur ekki unnið leik það sem er af er.

„Ég vil fara frá Newcastle. Ég hef verið með liðinu í fjögur ár en ég tel að það sé komin tími á nýja áskorun,“ sagði Fílabeinsstrendingurinn í viðtali við fjölmiðla í heimalandi sínu.

Meðal þeirra liða sem hafa sýnt áhuga á að fá Tiote til liðs við sig eru Arsenal og rússneska liðið Lokomotiv Moskva. Tiote, sem er 28 ára gamall, kom til Newcastle frá hollenska liðinu Twente árið 2010.

• Blogga um frétt