Klæðist Eiður Smári Guðjohnsen keppnistreyju Bolton á ný eftir hálfs fimmtánda árs fjarveru?
Líkurnar á því virðast hafa aukist, miðað við ummæli knattspyrnustjóra félagsins, Neils Lennons, við staðarblaðið Bolton News í gær.
Eiður hefur æft með Bolton í tæpar tvær vikur með það í huga að fá samning við félagið sem er nú í fallbaráttu ensku B-deildarinnar. Ef um semst verður hann fjórði Íslendingurinn í deildinni í vetur en Aron Einar Gunnarsson spilar með Cardiff, Jóhann Berg Guðmundsson með Charlton og Kári Árnason með Rotherham.
Sjá fréttaskýringu um stöðu Eiðs í íþróttablaði Morgunblaðsins í dag.