Mignolet verri en Drakúla

Simon Mignolet er ekki hátt skrifaður hjá Bruce Grobbelaar.
Simon Mignolet er ekki hátt skrifaður hjá Bruce Grobbelaar. AFP

Bruce Grobbelaar, sem varði mark enska knattspyrnuliðsins Liverpool frá 1981 til 1994, segir að markvörðurinn Simon Mignolet sé stærsta vandamál liðsins í dag.

„Vandamálin í varnarleik Liverpool hurfu í skuggann á síðasta tímabili vegna þess hve mikið Luis Suárez og Daniel Sturridge skoruðu af mörkum. Mignolet er hinsvegar verri en Drakúla í markinu því hann er alltaf fastur á marklínunni. Drakúla kemur þó af og til uppúr kistunni!" sagði Grobbelaar í viðtali við BBC og bar því belgíska markvörðinn saman við vampíruna alræmdu.

Viðtalið við Grobbelaar.

mbl.is
Fleira áhugavert
Fleira áhugavert