Enska knattspyrnufélagið Aston Villa tilkynnti rétt í þessu að Roy Keane, fyrrverandi fyrirliði Manchester United, væri hættur störfum hjá félaginu en hann var ráðinn þangað sem aðstoðarstjóri í júlí á þessu ári.
Keane hefur verið hægri hönd Pauls Lamberts knattspyrnustjóra, en jafnframt er hann aðstoðarþjálfari írska landsliðsins.
Í tilkynningu Aston Villa er nánari útskýringum lofað fljótlega.