Chelsea og Liverpool drógust saman

Chelsea komst í undanúrslit í gærkvöld með því að sigra …
Chelsea komst í undanúrslit í gærkvöld með því að sigra Derby 3:1 og hér er einu markanna fagnað. AFP

Chelsea og Liverpool drógust saman í undanúrslitum ensku deildabikarkeppninnar í knattspyrnu í kvöld en dregið var til þeirra þegar átta liða úrslitunum var lokið.

Tottenham mætir hinsvegar C-deildarliði Sheffield United í hinni viðureigninni. Leikið er heima og heiman, seinnipartinn í janúarmánuði.

„Ég ber mikla virðingu fyrir Sheffield United, sem spilaði mjög vel í gærkvöld og verðskuldar að vera í undanúrslitunum. Þetta verður ekki auðvelt," sagði Mauricio Pochettino, knattspyrnustjóri Tottenham, en Sheffield United sló óvænt út hans fyrrverandi lærisveina í Southampton með 1:0 sigri í gærkvöld.

mbl.is
Fleira áhugavert
Fleira áhugavert