Eiður í byrjunarliði Bolton

Eiður Smári Guðjohnsen verður í fyrsta sinn í byrjunarliði Bolton, eftir að hann sneri aftur í raðir félagsins, þegar liðið mætir Millwall í kvöld kl. 19.45 í ensku B-deildinni í knattspyrnu.

Eiður lék fyrsta leik sinn á tímabilinu um síðustu helgi þegar hann kom inná sem varamaður í hálftíma í leik gegn Ipswich.

Bolton og Millwall eru bæði með 23 stig eftir 21 umferð, í 18.-20. sæti deildarinnar ásamt Leeds. Bolton er taplaust í síðustu sex leikjum.

• Blogga um frétt