Enski miðjumaðurinn Tom Cleverley er á leið til Everton og mun á næstu dögum gera fimm ára samning við félagið að því er enska blaðið Times greinir frá í dag.
Samningur Cleverley við Manchester United rennur út í sumar en hann var í láni hjá Aston Villa á nýliðinu tímabili.
Roberto Martinez knattspyrnustjóri Everton er sagður vera mikill aðdáandi Cleverley sem er 25 ára gamall og hefur verið á mála hjá Manchester United allan sinn feril en hefur leikið sem lánsmaður með Wigan og Aston Villa.