Trúir ekki Mourinho-tengingu út af ruglinu um sig

Louis van Gaal.
Louis van Gaal. AFP

Louis van Gaal, knattspyrnustjóri Manchester United, telur að félagið hafi ekki hafið viðræður við Portúgalann José Mourinho um að taka við liðinu í sumar.

„Þegar svona mikið rugl hefur verið skrifað um mig þá trúi ég ekki tengingunni á milli José Mourinho og United,” sagði Louis van Gaal við BBC.

Manchester United mætir Chelsea í stórleik dagsins en leikar hefjast kl. 16.00.

„Ég hef alltaf sagt að ég þurfti á samkeppni að halda, samkeppni í hverri einustu viku,” sagði Mourinho í sunnudagsblaði Daily Mail.

„Ég verð hiklaust mættur í slaginn fyrr en varir,” sagði Mourinho.

Samningur Louis van Gaal við  Manchester United gildir út næstu leiktíð og þrátt fyrir fréttir um annað hyggst hann klára samning sinn.

mbl.is
Fleira áhugavert
Fleira áhugavert