Það er líf og fjör á samskiptamiðlum þegar áhugaverð atvik gerast í knattspyrnuleikjum en sumir þar halda því fram að kraftaverk hafi átt sér stað á Emirates leikvanginum er Arsenal sigraði Leicester City 2:1 í dag.
Aaron Ramsey, miðjumaður Arsenal, vildi fá aukaspyrnu í síðari hálfleiknum en dómari leiksins var ekki á sömu skoðun. Ramsey rúllaði eftir jörðinni og bjóst við því fá aukaspyrnu en stökk síðan á lappir til að rífast í dómaranum og töluðu því sumir notendur á samskiptamiðlum um mögulegt kraftaverk á Emirates. Aðrir hafa bent á að brotið hafi verið á honum og telja að dæma hefði átt aukaspyrnu.
Hægt er að sjá atvikið í spilaranum fyrir neðan.
this is a good vine opportunity for Ramsey, isn't it Arsenal fans? #AFC pic.twitter.com/Yh3hp68h2c
— MP (@AIonso_) February 14, 2016