Starfið í hættu hjá Louis van Gaal

„Ég býst ekki við að halda starfinu ef við tryggjum okkur ekki sæti í Meistaradeild Evrópu á næstu leiktíð. Stjórnin mun endurmeta hlutina ef úrslitin verða ekki okkur í hag í síðustu átta leikjum liðsins. Það er hlutverk stjórnarinnar og það er alveg eðlilegt að slíkt verði gert,“ sagði Louis van Gaal um stöðu sína sem knattspyrnustjóri Manchester United. 

„Við munum sjá til hverju við höfum áorkað 15. maí þegar við getum metið hvernig ég staðið mig á leiktíðinni. Ég hugsa rökrétt og ég var sammála því sem Sir Alex Feruson sagði í viðtali á dögunum. Knattspyrnustjóri Manchester United verður að skila titlum í hús en hann verður að fá tíma til þess að móta lið sem getur barist um þá titla sem í boði eru,“ sagði Louis van Gaal um framhaldið.