Jose Mourinho hefur skrifað undir samning þess efnis að hann taki við starfi knattspyrnustjóra hjá Manchester United. Samningur Mourinho við Manchester United er til þriggja ára. Þessar fregnir hafa legið í loftinu alla vikuna og það er Skysports sem greinir frá því að þetta sé nú orðið staðfest. 

Mourinho yfirgaf heimili sitt um þrjúleytið í dag og fundaði með Ed Woodward, varaformanni Manchester United. Mourinho skrifaði undir samning við Manchester United á þeim fundi. Mourinho var þögull sem gröfin þegar blaðamenn báðu hann um að staðfesta þessar fregnir fyrir utan heimili hans rétt í þessu.

Mourinho var klæddur í sitt fínasta púss og var með rauðvínsflösku í hendinni þegar hann kom til baka á heimili sitt, en portúgalski knattspyrnustjórinn ætlar líklega að dreypa á rauðvíninu til þess að fagna nýgerðum samningi sínum og fagna því um leið að 12 ár eru síðan hann stýrði Porto til sigurs í Meistaradeild Evrópu. 

Manchester United hefur ekki staðfest þessi tíðindi, en breskir fjölmiðlar segja að það verði gert þegar hlutabréfamarkaðir opna á morgun. 

Tengdar fréttir

Mourinho og Man. Utd

Er Giggs á förum?

• Ætla að þurrka út síðustu þrjú ár
• Mourinho deilir mynd af samningnum
• Mourinho ráðinn til Man. Utd
• Mourinho kynntur til leiks á morgun

» Fleiri tengdar fréttir

• Blogga um frétt