Bordeaux vill hægri bakvörð Arsenal

Franska liðið Bordeaux vill fá bakvörðinn Mathieu Debuchy til liðs við sig frá enska úrvalsdeildarliðinu Arsenal. Sky greinir frá því að Bordeaux séu reiðubúnir að hefja viðræður um kaup á leikmanninum. 

Debuchy er þrítugur Frakki sem hefur ekki átt sjö dagana sæla í herbúðum Arsenal. Hann var keyptur til félagsins frá Newcastle árið 2014 eftir gott tímabil en meiddist snemma á næsta tímabili. 

Það varð til þess að hinn bráðefnilegi Hector Bellerin greip tækifærið og hefur verið fastamaður síðan. Debuchy hefur aðeins spilað 12 leiki með félaginu og var á láni hjá Bordeaux frá síðustu áramótum að sumri. 

• Blogga um frétt