Arsenal hefur áhuga á að fá til sín framherjann Lucas Pérez frá spænska liðinu Deportivo samkvæmt blaðamanni BBC, David Ornstein, sem þykir afar áreiðanleg heimild í málefnum Arsenal.
Enska úrvalsdeildarliðið Everton var komið langleiðina með að kaupa Pérez en nú hefur Arsenal bæst við kapphlaupið á lokametrum leikmannagluggans.
Lucas Pérez er 27 ára Spánverji sem gekk í raðir Deportivo í fyrra. Þrátt fyrir að Deportivo hafi endað í 15. sæti deildarinnar náði hann að skora 17 mörk í 37 leikjum á síðasta tímabili.
Arsenal interested in signing Deportivo La Coruna CF Lucas Perez. Not done deal but #AFC in contention - 27yo, 17 gls in 37 apps last season
— David Ornstein (@bbcsport_david) August 25, 2016