Bravo kominn til City

Claudio Bravo er mættur til Manchester City.
Claudio Bravo er mættur til Manchester City. Heimasíða Man City

Enska úrvalsdeildarfélagið Manchester City festi í dag kaup á markverðinum Claudio Bravo frá Barcelona. Þetta staðfesti félagið í dag.

Bravo, sem er 33 ára gamall, gerði í dag fjögurra ára samning við Manchester City, en hann á að leysa enska markvörðinn Joe Hart af hólmi.

Pep Guardiola, knattspyrnustjóri City, var ákveðinn í því að fá markvörð sem líður vel með boltann í löppunum og var Bravo svarið við því.

Bravo gekk til liðs við Barcelona frá Real Sociedad árið 2014 en hann vann spænsku deildina tvisvar og Meistaradeild Evrópu einu sinni með Börsungum.

mbl.is
Fleira áhugavert
Fleira áhugavert