Depay að yfirgefa United?

Memphis Depay.
Memphis Depay. AFP

Manchester United er sagt reiðubúið að losa sig við hollenska landsliðsmanninn Memphis Depay áður en félagaskiptaglugganum verður lokað um mánaðamótin.

Depay gekk í raðir Manchester-liðsins frá PSV Eindhoven fyrir síðustu leiktíð. Miklar vonir voru bundnar við Hollendinginn, sem varð markakóngur í hollensku úrvalsdeildinni, en hann náði sér engan veginn á strik og hans hlutskipti hefur verið að verma varamannabekkinn mjög mikið.

Enska blaðið Daily Telegraph greinir frá því á vefsíðu sinni í kvöld að United sé tilbúið að láta Depay fara berist tilboð upp á 26 milljónir punda í hann en United greiddi þá upphæð fyrir hann fyrir rúmu ári þegar það fékk hann frá PSV.

mbl.is
Fleira áhugavert
Fleira áhugavert