United áfram í sögulegum leik
Setja bókamerki
Manchester United fór létt með Reading í þriðju umferð enska bikarsins í knattspyrnu í dag í sögulegum leik þar sem Wayne Rooney jafnaði markamet félagsins.
Rooney kom United á bragðið strax í upphafi leiksins með sínu 249 marki fyrir félagið en markametið hafði Bobby Charlton átt einn frá árinu 1973.
Anthon Martial bætti við öðru marki United á 15. mínútu og þá strax virtist leikurinn vera búinn fyrir Jaap Stam og hans menn í Reading en Stam gerði garðinn frægan með United-liðinu í kringum aldamótin og vann meðal annars Meistaradeild Evrópu árið 1999.
Marcos Rashford sá svo um markaskorun seinni hálfleiksins með tveimur mörkum með fjögurra mínútna millibili, á 75. og 79. mínútu. Síðara markið var einkar klaufalegt af hálfu Al-Habsi, markvarðar Reading sem hitti ekki boltann er hann reyndi að hreinsa. Það nýtti Rashford sér og skoraði í autt markið.
United er þar með komið áfram í fjórðu umferð bikarsins.
90. Leik lokið!
79. MARK! Rashford á nýjan leik. Skelfileg mistök Al-Habsi í markinu hjá Reading. Fær sendingu frá varnarmanni sínum undir pressu frá Rashford, reynir að hreinsa frá en rekur vinstri löppina í boltann og hitti hann þar með ekki með hægri. Rashford nýtti sér það og skaut knettinum í autt markið.
76. Schweinsteiger að gera sig kláran hjá United.
75. MARK! Marcus Rashford að innsigla sigur United! Fær langan bolta frá Carrick á miðjunni og afgreiðir færi sitt fagmannlega. Slæmur varnarleikur hjá Reading - ein sending og vörnin splundruð!
63. Leikmenn Reading eru ekkert búnir að gefast upp en þeir komast lítt áleiðis gegn United.
46. Síðari hálfleikur hafinn. Ein skipting í hálfleik hjá gestunum í Reading þar sem Tyler Blackett fer af velli en Jordan Obita kemur í hans stað.
45. Hálfleikur. 2:0 fyrir heimamenn í United. Mourinho væntanlega sáttur með þetta þar sem hann nefndi fyrir leik að hann vildi helst sleppa því að mæta Reading á útivelli, það er að segja ef leikurinn endar með jafntefli.
45. Rashford í fínu færi en varnarmenn Reading bjarga á síðustu stundu.
28. Jaap Stam, fyrrum varnarmaður Manchester United er stjóri Reading í dag og er ekki ánægður með gang mála á hliðarlínunni, skiljanlega.
19. Marcos Rojo fer af velli vegna meiðsla og Phil Jones kemur inn.
15. MARK! Anthony Martial með laglegt mark. Fær boltann í teignum, fer fallega með boltann og leggur hann snyrtilega innan fótar í fjærhornið. United ða klára þetta á fyrstu 15. mínútunum.
7. MARK! Waye Rooney með skrautlegt mark. Fær boltann inn í teig og tekur stýrir knettinum með lærinu í markið. Jafnar þar með goðsögnina Bobby Charlton, báðir hafa þar með skorað 249 mörk!
1. Leikurinn er hafinn!
United: S. Romero, Young, Smalling, Marcos Rojo, Blind, Carrick, Fellaini, Mata, Rooney, Martial, Rashford.
Reading: Al-Habsi, Gunter, Blackett, Kelly, Van Den Berg, Evans, Moore, Beerens, McCleary, Williams, Kermorgant.
0. Byrjunarliðin birtast eftir skamma stund.
Hafa „ágætis tíma“ til úrbóta
Ný staða uppi og óvissan meiri
Almannavarnir auka viðbúnað
Myndskeið: Segjast hafa skotið niður sprengjuflugvél
Hæstiréttur staðfestir vanhæfi alls Landsréttar
29 nautgripir fundust dauðir
Færa slökkviliðið til nútímans