Gylfi Þór Sigurðsson fékk næsthæstu einkunn allra leikmanna í 3:2-sigri Swansea á Liverpool þegar liðin mættust á Anfield í dag.
Sjá frétt mbl.is: Gylfi hógvær eftir sigurmarkið á Anfield
Gylfi Þór lagði upp eitt mark og skoraði sjálfur sigurmarkið, en Sky gefur honum 8 í einkunn fyrir sína frammistöðu og liðsfélagi hans Tom Carroll fékk líka 8 í sínum fyrsta leik eftir að hafa verið keyptur í vikunni. Fernando Llorente, sem skoraði tvö marka Swansea, fékk 9.
Hjá Liverpool fékk Roberto Firmino 8 í einkunn, en hann skoraði bæði mörk Liverpool.
Sjá frétt mbl.is: Gylfi tryggði Swansea sigur gegn Liverpool