Ashley Young, leikmaður enska knattspyrnufélagsins Manchester United, er að íhuga tilboð frá félagi í kínversku úrvalsdeildinni.
Shandong Luneng hefur mikinn áhuga á Young sem er búinn að vera hjá Manchester United síðan 2011.
Young hefur ekki verið í byrjunarliði United í tvo mánuði og gæti hann því haft áhuga á að færa sig um set.
Graziano Pelle og Papiss Cisse leika báðir með kínverska félaginu en þeir voru áður í ensku úrvalsdeildinni, Pelle með Southampton og Cisse með Newcastle.
Sky greinir einnig frá því að þrjú ensk félög hafi áhuga á Young.