Samkvæmt Sky Sports eru líkurnar á að Sílebúinn Alexis Sánchez yfirgefi Arsenal fyrir Manchester City að aukast. City hefur mikinn áhuga á að fá hann í sínar raðir, en Sánchez á aðeins 14 mánuði eftir af samningi sínum við Arsenal.
Sánchez er búinn að skora 18 deildarmörk á tímabilinu og er talið að City sé reiðubúið að borga Arsenal í kringum 50 milljónir punda fyrir leikmanninn ásamt því að borga honum 200.000 pund í vikulaun.
Talið er að Sánchez sé orðinn þreyttur á slöku gengi Arsenal og vill hann ólmur berjast um stærstu titla Evrópu.