Ronaldo gerir nýjan samning við Leeds

Ronaldo Vieira er með eitt áhugaverðasta nafnið í enska boltanum.
Ronaldo Vieira er með eitt áhugaverðasta nafnið í enska boltanum. AFP

Enska knattspyrnufélagið Leeds United hefur staðfest að Ronaldo Vieira hefur skrifað undir nýjan fjögurra ára samning við félagið. Vieira spilaði 38 leiki fyrir Leeds á leiktíðinni og skoraði hann eitt mark. 

Vieira er aðeins 18 ára gamall og með eitt skemmtilegasta nafnið í enska boltanum í dag. Vieira var valinn besti ungi leikmaður félagsins fyrir leiktíðina sem var að líða. Ronaldo á tvíburabróðir sem heitir Romario og voru þeir skírðir til höfuðs brasilískra knattspyrnumanna. 

Leikmaðurinn var kallaður upp í U20 ára landslið Englendinga sem leikur í Toulon-bikarnum síðar í þessum mánuði. 

mbl.is
Fleira áhugavert
Fleira áhugavert