Enska knattspyrnusambandið tilkynnti í dag að allur ágóði af leiknum um Samfélagsskjöldinn, sem jafnan markar upphaf á nýju knattspyrnutímabili á Englandi, renni til fórnarlamba brunans í Grenfell-turninum í Lundúnum á dögunum.

Í leiknum um Samfélagsskjöldinn mætast Englandsmeistarar og FA-bikarmeistarar síðasta árs og í ár eru það Chelsea og Arsenal sem leiða saman hesta sína á Wembley. Knattspyrnusambandið vonast til þess að safna rúmri milljón punda, rúmum 130 milljónum króna, þar sem bæði félög ætla að gefa verðlaunafé sitt.

Auk þess mun fjölskyldum fórnarlambanna og þeim sem komust af vera boðið á leikinn. Björgunarfólki í aðgerðunum í brunanum verður einnig boðið á leikinn, sem fer fram sunnudaginn 6. ágúst.

Tengdar fréttir

Grenfell-bruninn í Lundúnum

Slökkvilið áminnt vegna mistaka við Grenfell-brunann

• Sýknaður vegna myndbands af Grenfell-líkneski
• Brenndu líkneski af Grenfell-turninum
• Fékk 6 ára dóm fyrir svik vegna Grenfell
• Reiði og sorg vegna Grenfell brunans

» Fleiri tengdar fréttir

• Blogga um frétt