Timonthy Fosu-Mensah, leikmaður enska úrvalsdeildarliðsins Manchester United, er á leiðinni í læknisskoðun hjá Crystal Palace. Hollendingurinn mun skrifa undir lánssamninginn sem gildir til loka leiktíðar.
Fosu-Mensah getur spilað sem hægri bakvörður, miðvörður og miðjumaður. Frank de Boer, þjálfari Palace, lagði áherslu á að styrkja varnarleikinn hjá liðinu fyrir leiktíðina, en félagið fékk miðvörðinn Jairo Riedewald fyrr í sumar.
Fosu-Mensah hefur leikið 21 leik fyrir Manchester United.