Timothy Fosu-Mensah, leikmaður enska úrvalsdeildarliðsins Manchester United, hefur skrifað undir eins árs lánssamning við Crystal Palace sem leikur í sömu deild. Hinn 19 ára gamli Fosu-Mensah hefur leikið 21 leik fyrir United.
Hann er þriðji leikmaðurinn sem Palace fær til liðs við sig í sumar, en áður hafði félagið gengið frá samningum við Ruben Loftus-Cheek og Jairo Riedewald.