Ætla að bjóða Shaw nýjan samning

Manchester United hyggst bjóða bakverðinum Luke Shaw nýjan eins árs samning en núgildandi samningur hans við Manchester-liðið rennur út eftir tímabilið.

Shaw, sem er 22 ára gamall, hefur átt erfitt uppdráttar síðan hann gekk í raðir Manchester United frá Southampton fyrir þremur árum. Hann var lengi frá keppni eftir að hafa fótbrotnað illa í byrjun tímabilsins 2015-16 og um tíma var óljóst hvort hann ætti afturkvæmt inn á völlinn á ný.

Shaw varð svo aftur fyrir meiðslum á síðustu leiktíð þegar hann sleit liðband í ökkla en hann vinnur nú hörðum höndum að því að komast í leikform. Hann mátti þola gagnrýni frá stjóra sínum í lok síðustu leiktíðar en Mourinho var ósáttur við viðhorf leikmannsins og fannst hann ekki leggja nógu mikið á sig. Enskir fjölmiðlar greina frá því í dag að Mourinho sé reiðubúinn að gefa Shaw tækifæri til að sýna sig og sanna og bjóða honum að framlengja samninginn við félagið.

• Blogga um frétt