Samkvæmt heimildum Sky Sports mun enska úrvalsdeildarfélagið Manchester City leggja fram tilboð í Alexis Sánchez, leikmann Arsenal, í vikunni. Pep Guardiola, knattspyrnustjóri City, vill ólmur fá Sílebúann í sínar raðir, en þeir unnu saman hjá Barcelona á sínum tíma.
Sánchez á minna en eitt ár eftir af samningi sínum við Arsenal og hefur hann takmarkaðan áhuga á að framlengja hann. Sky greinir frá því að City íhugi að bjóða Raheem Sterling eða Sergio Agüero í hina áttina.
Samkvæmt TV 13-sjónvarpsstöðinni í Síle bað sóknarmaðurinn um að yfirgefa landsliðshópinn í dag til að ganga frá persónulegum málefnum.