Barcelona hefur loksins gefið upp vonir um að krækja í Brasilíumanninn Philippe Coutinho frá Liverpool áður en félagaskiptaglugganum verður lokað á Spáni í kvöld.
Spænskir fjölmiðlar greina frá þessu en Liverpool hefur hafnað fjórum tilboðum frá Katalóníuliðinu í Brassann snjalla. Síðasta tilboð Barcelona kom í gærkvöld sem hljóðaði upp á 150 milljónir evra en sem fyrr hafnaði Liverpool tilboðinu hið snarasta.
Coutinho var í eldlínunni með brasilíska landsliðinu í fyrrinótt þar sem skoraði síðara markið í 2:0 sigri gegn Ekvadorum í undankeppni HM. Hann hefur ekkert spilað með Liverpool á leiktíðinni.