Paul Pogba miðjumaðurinn sterki í liði Manchester United er ekkert á leið inn á völlinn í bráð en José Mourinho knattspyrnustjóri liðsins segir að félagið meðhöndli meiðsli Frakkans til langs tíma.
Pogba tognaði illa aftan í læri fyrr í þessum mánuði í Evrópuleiknum gegn Basel en hann hafði byrjað leiktíðina afar vel með liðinu.
Phil Jones og Michael Carrick hafa ekki náð sér af meiðslum og hvorugur þeirra verður til taks á morgun þegar United tekur á móti botnliði Crystal Palace í 7. umferð ensku úrvalsdeildarinnar.