Salah markahæstur á nýjan leik

Mohamed Salah, framherji Liverpool, skaust upp á topp listans yfir markahæstu leikmenn ensku úrvalsdeildarinnar í knattspyrnu karla með marki sínu í 1:1-jafntefli Liverpool gegn Everton fyrr í dag.

Harry Kane, sóknarmaður Tottenham Hotspur, jafnaði Salah á toppi listans með því að skora tvö mörk í öruggum 5:1-sigri Tottenham Hotspur gegn Stoke City í gær.

Salah hefur nú skorað 13 deildarmörk á yfirstandandi leiktíð og hefur skorað einu marki meira en Kane. Raheem Sterling og Sergio Agüero, leikmenn Manchester City, og Álvaro Morata, leikmaður Chelsea, koma síðan næstir með níu mörk hver.  

• Blogga um frétt