Crouch drap næstum liðsfélaga sinn

Crouch og Kuyt eru félagar, þrátt fyrir atvikið.
Crouch og Kuyt eru félagar, þrátt fyrir atvikið. AFP

Framherjinn skrautlegi, Peter Crouch, var að eigin sögn nálægt því að drepa fyrrverandi liðsfélaga sinn hjá Liverpool, Dirk Kuyt. Leikmenn Liverpool fóru þá í go-kart stuttu fyrir úrslitaleik Meistaradeildarinnar í fótbolta sem fram fór í Grikklandi. 

„Ég keyrði um á miklum hraða og sá Xabi Alonso og Dirk Kuyt fyrir framan mig. Ég ætlaði að bremsa en fann svo að bremsurnar virkuðu ekki, svo ég setti stefnuna á Kuyt, því Alonso var verðmætari,“ sagði Crouch léttur. 

„Sem betur fer hoppaði Kuyt, svo ég fór á milli lappana á honum. Þetta var stórhættulegt,“ bætti framherjinn hávaxni við. 

mbl.is
Fleira áhugavert
Fleira áhugavert