Liverpool til liðs við fótboltaformúluna

Enska fótboltaliðið Liverpool hefur gengið til lis við nýja formúlukappaksturinn, „ofurformúluna“ svonefndu vegna aðildar margra stórra knattspyrnuliða að henni.

Fyrsti kappaksturinn í þessari nýju formúlukeppni fer fram í  Donington Park í Englandi eftir hálfan mánuð, í lok ágúst. Hinir margföldu Evrópuemistarar Liverpool er sautjánda liðið sem gengur til leiks við formúluna.

Meðal liða sem þar eru fyrir eru Tottentham Hotspur, Glasgow Rangers,  AC Milan, AS Roma, Sevilla og FC Porto. Aðstandendur keppninnar vonast til að fá þrjú lið til viðbótar til liðs við sig fyrir fyrsta kappakstur mótaraðarinn, í Donington.

Bílarnir verða í einkennislitum viðkomandi liða. Þeim svipar að útliti til keppnisbíla í formúlu-1 og verða búnir 750 hestafla V8-mótorum. Keppnisbíll Liverpool verður frumsýnd í heimaborg liðsins í næstu viku. Liðið hefur ekki skýrt frá því hvaða ökumaður muni keppa fyrir félagið.

Rétt eins og í stúkunum á Anfield-leikvanginum munu stuðningsmenn hans í Donington eflaust við og við kyrja Liverpool-lagið: „You'll Never Walk Alone“.

• 3 blogg um fréttina

Bloggað um fréttina

• Ómar Ingi: Spá fyrir fyrstu umferð Ensku
• Sigursveinn : hmmm
• Hallgrímur Guðmundsson: Deildinni rúllað upp á 350 km hraða !!!!