Force India heldur í Hülkenberg

Nico Hülkenberg sinnir aðdáanda í Suzuka.
Nico Hülkenberg sinnir aðdáanda í Suzuka. mbl.is/afp

Force India hefur staðfest framlengingu á ráðningarsamningi Nico Hülkenberg út næsta ár, 2015.

Hülkenberg, sen er 27 ára, sneri aftur til liðsins fyrir vertíðina í ár og hefur skilað sér í mark í stigaslæti í 13 mótum af 16, þar af fjórum sinnum í fimmta sæti.

Ökumaðurinn telur að fyrir hendi séu hjá Force India undirstöður sem leyfi honum að halda að enn betri árangurs sé að vænta í framtíðinni.

„Það er gott að hafa næstu vertíð á hreinu. Liðið þekki ég út og inn og við höfum átt gott ár. Mikill metnaður er fyrir hendi innan þess og ég held við munum verða með samkeppnisfæran bíl á næsta ári. Ég geng móti því með góðar tilfinningar fyrir því að við munum gera enn betur þá,“ segir Hülkenberg í tilefni framhaldsráðningarinnar.

Perez líklega líka áfram hjá Force India

Fregnir herma að Force India sé einnig langt komið með að framlengja ráðningarsamnings hins ökumannsins, Sergio Perez.

mbl.is
Fleira áhugavert
Fleira áhugavert