Ákveðið hefur verið að breyta tímatökunni í bandaríska kappakstrinum í Austin í Texas á morgun vegna brottfalls tveggja liða úr keppni; Caterham og Marussia.
Í stað þess að sex bílar falli úr leik í hvorri fyrstu tveggja umferðanna falla fjórir út í fyrstu umferð og fjórir til viðbótar í annarri umferð.
Lokalotan verður hins vegar óbreytt er 10 fremstu bílarnir slást um 10 fremstu sætin á rásmarkinu.